Club de Lectura: Punto de araña de Nerea Pallares

A primeira novela de Nerea Pallares é unha obra mariñeira e coral, salpicada pola escuma das ondas que rompen contra as rochas e tecida coas voces de tres xeracións de mulleres que se rebelan fronte á inxustiza. Unha oda ás que tecen as redes invisibles que nos sosteñen; ás mans que, en silencio, entrelazan o mundo e ás mans das amigas, rede de redes.

A entrada é libre e gratuíta. O único requisito é vir con ganas de desfrutar dunha boa charla literaria connosco.